Xosé A. Touriñán forma parte de ‘Rondallas’, a sexta película de Daniel Sánchez Arévalo
Os municipios pontevedreses de Oia, A Guarda, Baiona, Tui e Vigo convertéronse nos escenarios principais na rodaxe do filme
Foto de Jorge V. Landín cedida por Atlántico. Ver a galería completa
Daniel Sánchez Arévalo, director de películas como Azul oscuro casi negro (2006), Primos (2011) e Diecisiete (2019), regresa cun novo proxecto cinematográfico. Nesta ocasión, as localizacións escollidas para retratar a súa sexta produción inclúen os municipios de Oia, A Guarda, Baiona, Tui e Vigo, así como o emblemático local guardés O Fuscalho.
Xosé Antonio Touriñán comparte rodaxe cun elenco no que atopamos a Javier Gutiérrez, María Vázquez, Tamar Novas, Carlos Blanco, Judith Fernández, Fer Fraga e Marta Larralde. O cómico volve á gran pantalla logo do éxito de +Cuñados (2024), Amigos hasta la muerte (2023) ou Cuñados (2021).
A película narra a historia dunha pequena vila mariñeira que, marcada polo loito tras un tráxico naufraxio, decide recuperar a ilusión organizando unha rondalla, un grupo musical tradicional no que participarán desde nenos ata anciáns, competindo contra outras aldeas.
Rondallas é unha produción de Mister Fields and Friends, Bambú Producciones e Rondallas Movie A.I.E. que conta co apoio de Movistar Plus+, RTVE e Televisión de Galicia. Ademais, recibe financiamento do ICAA, Agadic e a Xunta de Galicia, así como a colaboración da Deputación de Pontevedra.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.