Vadim Yukhnevich protagonista da entrevista do último número de Táboas
O terceiro número da revista está dispoñible na tenda de Ainé e en taboas.gal
Teatro, danza e unha entrevista en profundidade con Vadim Yukhnevich protagonizan o primeiro número deste 2023. Foto: Aigi Boga
O terceiro número de Táboas xa está dispoñible, a revista sobre teatro que editamos desde Ainé volve facer un repaso do máis destacado das artes escénicas en Galicia, atendendo a diversas olladas e sensibilidade pero mantendo o foco no público.
A portada deste número é para Vadim Yukhnevich, quen falou con Marta Otero Mayán sobre exilio, música, morriña… A entrevista completa en vídeo co músico bielorruso está dispoñible na web de Táboas ou na canle de Youtube da revista.
Tamén podemos atopar neste terceiro número entrevistas en profundidade coa dramaturga uruguaia Marianella Morena e coa compañía Nauta, así como unha ampla reportaxe sobre o estado da danza en Galicia, os 40 anos do Festival de Teatro de Almada ou o percorrido de Somos Criminais, un dos espectáculos galegos máis exitosos de todos os tempos.
Súmanse a este número tamén os textos de Marta Lado e Xosé Leis, que poñen o foco na necesidade de aportar diversidade de olladas na escrita e na posta en escena, ampliando a capacidade que ten o teatro para transformar a sociedade e mellorar as vidas das persoas que sofren discriminacións e abusos.
Se non queres perder nada do que acontece nos teatros en Galicia, podes seguir a Táboas no Facebook, en Instagram ou en X.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.