Touriñán convoca centos de afeccionados no encontro con #UNDOSMEUS
Os participantes na campaña #UNDOSMEUS achegáronse á sesión de fotos e sinaturas no estadio ABANCA-Riazor
A iniciativa impulsada por Xosé A. Touriñán recadou 43.680€ para o fútbol base deportivista
Este luns, Xosé A. Touriñán estivo no estadio ABANCA-Riazor para participar no acto de entrega de recompensas de #UNDOSMEUS. A campaña, organizada polo cullerdense, mobilizou á base social do Deportivo co fin de patrocinar ao fútbol base do equipo. En tan só un día, a iniciativa recadou 43.680€ cos que, baixo a etiquete #UNDOSMEUS, a afección deportivista esponsorizará todos os xogadores formados en Abegondo que cheguen ao primeiro equipo esta temporada.
Os participantes na campaña, preto de 2000 persoas, estaban convocados para poder recoller as súas recompensas de mans de Touriñán e os xogadores do equipo xuvenil. Foron centos os afeccionados que se achegaron para levar un recordo deste movemento en favor do fútbol base que revolucionou o deportivismo. Moitos aproveitaron a xornada para acudir ao céspede e levar un recordo en forma de sinatura ou fotografía. Numerosos nenos pisaron por vez primeira o campo no que os xogadores do fútbol base están chamados a dar moitas alegrías nos próximos anos.
Podes acceder á galería de imaxes neste enlace.
Partido de volta da UEFA Youth League
Esta xornada festiva ten lugar nunha semana especialmente importante para o Deportivo. O mércores, día 20, o xuvenil afronta a volta da UEFA Youth League na que terá que remontar un resultado de 3-0 contra o MKS Pogoń Szczecin. O club convidou a todos os participantes de #UNDOSMEUS a asistir ao encontro de xeito gratuíto como agradecemento ao seu apoio á Canteira deportivista.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.