Touriñán participa no espectáculo ‘Mentes Peligrosas’ con Leo Harlem, Ana Morgade e JJ Vaquero
Santiago de Compostela recibe este sábado aos cómicos, que actuarán diante de máis de 3000 espectadoras e espectadores no Palacio de Congresos e Exposicións. As entradas están esgotadas desde hai varias semanas.
Cartel do espectáculo 'Mentes Peligrosas', no que participa Xosé A. Touriñán.
Sesión dobre de comedia para esta fin de semana en Santiago. Xosé A. Touriñán será o anfitrión dun novo espectáculo de ‘Mentes Peligrosas’, desta volta coa participación de Leo Harlem, Ana Morgade e JJ Vaquero, que chegan a Galicia logo de ter participado en distintas edicións do Encontro Mundial de Humorismo, ou de actuar cos seus monólogos en distintos teatros e auditorios das cidades galegas.
O Palacio de Congresos e Exposicións de Santiago, en San Lázaro, acollerá na tarde deste sábado dúas sesións de comedia irrepetibles, para as que as entradas están esgotadas desde hai semanas. O espectáculo, producido por Etiqueta Negra, vendeu máis de 70.000 entradas o pasado ano, co colofón no mes de decembro en Madrid, nun Movistar Arena cheo para desfrutar con todas as e os artistas que participaron na xira.
Nova oportunidade para ver ‘Mentes Peligrosas’ en Vigo
Logo da cita deste sábado en Santiago, ‘Mentes Peligrosas’ volverá a Galicia o próximo 22 de marzo, cun espectáculo no que participarán Ana Morgade, Carolina Iglesias, Henar Álvarez e Lalachus, no Auditorio Mar de Vigo. As últimas entradas están aínda dispoñibles.
NOTICIAS RELACIONADAS
‘Amoriños’ chega ao Noroeste Estrella Galicia cunha edición especial en Santa Margarida
O espectáculo de Xosé A. Touriñán e David Perdomo formará parte da programación da 39 edición do Festival Noroeste Estrella Galicia cunha función especial o 9 de agosto.
Xosé A. Touriñán incorpórase ao elenco da terceira e última tempada de ‘Clanes’
A serie de Netflix producida por Vaca Films despídese cunha última entrega que volve reunir a Clara Lago e Tamar Novas como protagonistas, xunto a un amplo elenco do que forma parte Xosé A. Touriñán. A tempada final pecha a historia deste universo do narcotráfico en Cambados.
Máis improvisación oral para despois do verán: ‘Territorio Regueifa’ suma tres novas funcións
O espectáculo regresará aos escenarios en outubro e novembro con tres novas funcións xa confirmadas. Entre elas destaca a primeira representación fóra de Galicia, que terá lugar en Barakaldo.