Touriñán, Federico Pérez, Marcos Pereiro e Pepo Suevos, xuntos no Luar
O programa especial do Entroido xuntou sobre o escenario aos catro cómicos, que protagonizaron un divertido sketch no que non faltaron os albaneis e as Cantareiras de Ardebullo. O veterán espazo da Televisión de Galicia dirixido por Xosé Ramón Gayoso conta cada venres con Federico e Pepo no papel de dous xubilados moi particulares.
Cartel de excepción no Luar especial de Entroido. Marcos Pereiro e Xosé A. Touriñán uníronse o pasado venres a dous dos cómicos xa habituais do espazo (Pepo Suevos e Federico Pérez) para provocar as gargalladas do público do programa máis veterán da Televisión de Galicia.
Aproveitando o famoso muro que Donald Trump pretende construir na fronteira de Estados Unidos con México, Touriñán e Pereiro convertéronse en xefe de obra e albanel para valorar como proceder coa polémica obra. Do outro lado, Federico Pérez e Pepo Suevos, comentando a xogada desde o outro lado da valla, e mesmo converténdose nas mesmas Cantareiras de Ardebullo.
No Entroido, por suposto, vale todo!
NOTICIAS RELACIONADAS
Vedra, Boqueixón, A Rúa, Portas e Triacastela, as cinco paradas do primeiro percorrido de ‘A Lacena Pequena’
A primeira parada do proxecto será en Ponte Ulla, onde a Lacena desenvolverá unha programación cultural durante os días 18 e 19 de setembro. A iniciativa continuará posteriormente por concellos de menos de 5.000 habitantes.
‘A Lacena Pequena’ comeza en Vedra a súa primeira viaxe
O proxecto itinerante impulsado por Ainé e E-ló Arquitectura levará programación cultural a pequenos núcleos de poboación e dará a coñecer mañá en Ponte Ulla as cinco paradas do seu primeiro percorrido.
‘Aquí Tou!’ regresa ás táboas cunha función especial da man de Touriñán
O monólogo máis persoal do humorista volverá ao Porriño o 26 de setembro cunha función que ten como obxectivo apoiar á Rondalla que participou na película Rondallas.