Touriñán, estrela convidada da primeira función de Malo será!
O novo programa da Televisión de Galicia que pretende levar as cámaras aos teatros, e os teatros ás pequenas pantallas, estréase este xoves no Teatro Afundación de Vigo. O actor e humorista Xosé Antonio Touriñán acompañará ao elenco que durante todo o verán percorrerá diferentes teatros da nosa xeografía.
Malo será! bótase ao teatro por primeira vez este xoves. Na primeira das sete funcións programadas para este verán en diferentes cidades e vilas galegas, onde un elenco formado por Federico Pérez, Marcos Pereiro ou Lucía Regueiro entre outros levará o universo televisivo ata detrás dos telóns, para devolver despois á pequena pantalla o resultado de noventa minutos cheos de humor sobre os escenarios.
No primeiro programa (este xoves ás 21.00 en Vigo -Teatro Afundación-), o elenco de Malo será! non poderá estar mellor acompañado: Xosé A. Touriñán, o humorista máis relevante do momento en Galicia, será un máis nun espectáculo no que protagonizará diferentes sketches xunto cos seus compañeiros e amigos.
As últimas entradas á venda están dispoñibles en Ataquilla, con prezos comprendidos entre os 8 e os 11 euros.
NOTICIAS RELACIONADAS
‘Aquí Tou!’ regresa ás táboas cunha función especial da man de Touriñán
O monólogo máis persoal do humorista volverá ao Porriño o 26 de setembro cunha función que ten como obxectivo apoiar á Rondalla que participou na película Rondallas.
‘Moi Animal’, o novo monólogo de Touriñán, suma novas funcións á súa primeira xira
O novo monólogo de Xosé A. Touriñán esgota localidades en Cee e Santiago e amplía funcións na Coruña, Vilagarcía, Vigo e Pontevedra. A xira, que comezará en outubro, continúa medrando antes da súa chegada aos escenarios galegos.
Chega ‘A Lacena Pequena’, un novo proxecto cultural itinerante
Ainé e E-ló Arquitectura poñen en marcha unha proposta que combina música, artes escénicas, gastronomía e patrimonio a través dunha singular infraestrutura.