Sumamos forzas con Lamatumbá
A banda Ourensá incorpórase ao catálogo de Ainé, nunha aposta decidida pola música en vivo. Estreamos a web oficial do grupo e anunciaremos novidades moi pronto.
Que pasa cando un se volve xuntar con amigos para facer o que máis lle gusta? Pois que sempre sabe a pouco. Pasouche seguro, e a eles, tamén. Voltaron aos escenarios no verán pasado, sen moito máis planeado que facer unha xira, pasalo ben, conectar co público e recuperar todas as sensacións que chegan cando estás enriba do escenario.
E pasou que foi un acerto, que desfrutaron como nunca —ou coma sempre—, que o seu público seguía aí e que había moita xente con ganas de directos de Lamatumbá. Pasou que saíu todo como querían que saíra. E claro. Iso é moi difícil paralo.
Así que continúan o camiño e, na procura de chegar máis lonxe, xuntan forzas con Ainé, para traballar nunha andaina que non saben aínda ata onde os levará, pero que saben que non van facer sós porque, como lles demostrastes o ano pasado, non o están. O que si saben é que “non hai obxectivo mellor que o de traballar e pasalo ben mentres se traballa”.
Aquí están, desexando volver suar con vós este verán.
Xa sabedes: Non vale parar!!!
NOTICIAS RELACIONADAS
Unha nova etapa para ‘Territorio Regueifa’
O espectáculo de Lupe Blanco, Manolo Maseda e Josinho da Teixeira ofrecerá tres funcións durante esta fin de semana en Barakaldo e Laudio. Será a primeira vez que a proposta saia de Galicia desde a súa estrea en febreiro.
Zaragoza, a próxima parada do humor de Touriñán
O humorista actuará este sábado no Teatro de las Esquinas, nun percorrido que o levará de novo a Madrid en novembro. A xira continuará en 2027 con novas funcións en Madrid, Valencia, Santander e León.
A xira de ‘Moi Animal’ continúa colgando o cartel de esgotado
A nova proposta de Xosé A. Touriñán estará este venres 30 de outubro no Auditorio Municipal de Ourense, con dous pases, ás 20.30 e ás 23.00 h. A resposta do público continúa acompañando a xira, que xa ten varias funcións completas nas próximas semanas.



