Últimas funcións da temporada de ‘Aquí Tou!’
A xira do monólogo de Xosé A. Touriñán chega á súa fin coas datas programadas en Ferrol e Ribadeo.
Touriñán fai un repaso á súa vida en chave de humor neste espectáculo. Foto: Aigi Boga.
Logo de case un ano xirando polas vilas e cidades galegas, ‘Aquí Tou!’ achégase ás últimas paradas da viaxe. O monólogo de Xosé A. Touriñán congregou preto de 22.000 persoas desde a súa estrea, un éxito de público que encheu por completo case que todas as funciuóns do espectáculo con, por exemplo, dous cheos no Teatro Colón e outros dous no Auditorio Palexco da Coruña.
O venres 10 de maio, o cómico presentará en Ferrol este monólogo no que fai un repaso pola súa vida, botando man do humor para explicar os momentos destacados que o converteron na persoa que é hoxe en día. A función de ‘Aquí Tou!’ será no Auditorio Municipal, ante a gran demanda de entradas que deixaron pequeno o Teatro Jofre.
Para finalizar, o molólogo viaxará a Ribadeo, ao Auditorio Municipal Hernán Naval. A cidade mariñá será o punto final dunha xira que comezou en Vilalba a finais de 2022. As entradas para esta derradeira función están xa á venda en aquitou.gal e na páxina web de Ataquilla.
NOTICIAS RELACIONADAS
Touriñán celebra o día dos namorados cunha función do seu monólogo en Madrid
Este sábado, Xosé A. Touriñán regresa ao Teatro Arlequín de Madrid cunha nova función do seu monólogo, dentro dunha xira estatal que percorrerá distintas cidades máis alá das nosas fronteiras.
‘Territorio Regueifa’ presentouse onte en Carballo como un soño que chega ao escenario
A estrea absoluta de ‘Territorio Regueifa’, este venres 6 de febreiro no Pazo da Cultura de Carballo, foi presentada nunha rolda de prensa que puxo o foco na importancia de levar a regueifa ao teatro e de reivindicala como arte viva.
‘Amoriños’ amplía a súa xira de primavera con novas funcións en Verín e Ribadeo
O espectáculo de Xosé A. Touriñán e David Perdomo continúa medrando sobre as táboas e suma dúas novas paradas á súa xira de primavera.