Pepo Suevos estréase nas Noites de Retranca
O cómico ferrolán comparte cartel con Luis Zahera e Javier Varela nunha nova edición deste espectáculo de humor que pasará por A Coruña, Pontevedra e Vigo no mes de xaneiro. As entradas están xa á venda a través de Ataquilla.
O Teatro Colón da Coruña e os teatros Afundación de Vigo e Pontevedra acollerán os días 9, 15 e 16 de xaneiro respectivamente as primeiras Noites de Retranca de Pepo Suevos. Con máis dun milleiro de monólogos ás súas costas, o humoristas ferrolán non participara aínda nun dos espectáculos de comedia en directo mellor valorados de cantos teñen lugar nos teatros e auditorios das cidades galegas, e será no inicio de 2016 cando os espectadores poderán gozar cos seus monólogos.
Estará acompañado no escenario por Luis Zahera e Javier Varela, conformando así un sensacional trío cómico co que as risas están aseguradas. As entradas están xa á venda a través de Ataquilla con prezos desde 8 euros.
NOTICIAS RELACIONADAS
Un novo espazo dixital para seguir a traxectoria de Xosé A. Touriñán
A páxina recompila toda a información profesional do actor, director e produtor nun espazo renovado, accesible e estruturado arredor da súa traxectoria, proxectos e actividade actual.
A xira estatal do monólogo de Touriñán segue medrando e suma novas datas
O espectáculo de Xosé A. Touriñán continúa ampliando o seu percorrido fóra de Galicia cun calendario que segue incorporando funcións ao longo de 2026 e comezos de 2027.
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.