Manuel Cortés recibe o premio María Casares polo texto orixinal de ‘Códice K’
O galardón foi entregado na gala celebrada no Teatro Rosalía de Castro da Coruña.
Manuel Cortés durante os ensaios de 'Códice K'. Foto: Aigi Boga
A Asociación de Actrices e Actores de Galicia entregou os XXVIII Premios de Teatro María Casares nunha gala celebrada no Teatro Rosalía de Castro da Coruña. Un total de 19 obras eran finalistas nas 16 categorías.
Manuel Cortés foi galardonado co María Casares a mellor texto orixinal polo seu labor en ‘Códice K‘. Un espectáculo no que o actor, poeta e dramaturgo achégase ao roubo do Códice Calixtino desde os códigos do televisivo true crime mesturados co medieval auto sacramental. O autor, que non puido acudir para recibir o premio, agradeceu que recoñeceran o seu traballo e tamén quixo compartilo con Laura Porto e Gustavo del Río —finalistas na categoría— posto que “non é unha competición”. O autor agredeceu a todo o equipo técnico e artístico do espectáculo facer posible o ‘Códice K’.
‘Unha inimiga do pobo’, de Talía Teatro, resultou o espectáculo máis premiado, con 7 galardóns. A gala, dirixida por Sara Fandiño, foi unha homenaxe ao teatro musical na que tiveron gran protagonismo as lendas do mar e o espírito atlántico. Vero Rilo leu o Manifesto Galego do Día Mundial do Teatro e María Barcala recolleu o Premio de Honra Marisa Soto.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.