Ainé apóiase na intelixencia artificial para mellorar as accións de marketing dos seus espectáculos

Ainé rematou o pasado ano implantando nos seus procesos de marketing un sistema de intelixencia artificial deseñado para mellorar a planificación de campañas de marketing cultural mediante a análise avanzada de datos e o apoio á toma de decisións.

A ferramenta integra información procedente de distintas fontes, como o comportamento do público, os resultados de campañas anteriores e os datos de venda de entradas. A partir desta base, o sistema aplica modelos predictivos de machine learning que permiten identificar patróns, segmentar audiencias e estimar o impacto de diferentes accións de comunicación.

Un dos elementos diferenciais do proxecto é a incorporación dun asistente de intelixencia artificial xerativa, accesible desde un entorno web, que traduce os resultados técnicos en recomendacións comprensibles para o equipo de marketing. Deste xeito, o sistema facilita a análise de escenarios e a optimización de campañas sen necesidade de coñecementos técnicos avanzados.

Concíbese como unha ferramenta práctica para o sector cultural, orientada a mellorar a eficiencia das campañas, optimizar recursos e reforzar a conexión co público. A súa implantación permite avanzar cara a unha xestión baseada en datos, mantendo sempre o criterio profesional na toma de decisións.

O proxecto foi desenvolvido por Ainé como parte da súa estratexia de innovación e transformación dixital, co obxectivo de incorporar a intelixencia artificial aos procesos habituais de planificación e análise no ámbito cultural.

O Instituto Galego de Promoción Económica da Xunta de Galicia financia a iniciativa a través das axudas IA360 para o desenvolvemento tecnolóxico e a innovación mediante o uso da Intelixencia Artificial, no marco do Plan de Recuperación, Transformación e Resiliencia, financiado pola Unión Europea-NextGenerationEU.