Federico Pérez participa na gala Ribeiro Risas
O actor Federico Pérez participa esta noite no Ribeiro Risas, unha gala na que se conxuga o humor e o viño e que se inclúe por primeira vez dentro da programación da 53ª edición da Feira do Viño do Ribeiro.
Así, o Auditorio do Castelo en Ribadavia acolle a partir das 23.30 horas un espectáculo de monólogos presentado por Iria sobrado e protagonizado por tres grandes do panorama humorístico galego: Federico Pérez, Tonhito de Poi e Isabel Risco.
A Fede podemos velo como Moncho todos os martes nos novos capítulos de Era Visto! e como Venancio no Luar con Pepo Suevos. No seu recente currículo tamén están o programa de cociña Desafío nos fogóns e o espectáculo Curtis&Teixeiro –xunto a Xosé A. Touriñán-.
As entradas para o show de hoxe custan 10 euros e están á venda na Oficina de Turismo de Ribadavia (988471275/ turismo@ribadavia.es) ou en taquilla na porta do propio Auditorio do Castelo desde unha hora antes do inicio.
NOTICIAS RELACIONADAS
Touriñán chega hoxe a Vilalba con ‘Moi Animal’
O Auditorio Municipal Carmen Estévez acollerá dúas funcións do novo monólogo do humorista, que aborda en clave de comedia a nosa relación cos animais e as contradicións da especie humana.
‘A Lacena Pequena’ chega a Portas cunha xornada adicada aos oficios, a poesía e a música
A Fábrica da Azucreira acollerá este sábado unha programación con demostracións de cestería, costura e tornería, un recital poético e un concerto da banda infantil da Escola de Música de Portas.
Ainé súmase á WordCamp Galicia 2026 como patrocinadora bronce
A produtora súmase á WordCamp Galicia, que se celebrará na Coruña do 16 ao 18 de outubro. Unha colaboración vinculada ao uso de WordPress nas webs de Ainé e os seus espectáculos.