Fede e Pepo xuntos no Luar
Federico Pérez e Pepo Suevos acaban de estrear un novo espectáculo cómico que se emite cada venres pola noite no Luar da Televisión de Galicia.
Trátase de dous xubilados, Ramiro Zahera –Fede- e o seu amigo Venancio –Pepo-, que parolan sobre as cousas e os problemas da vida, e fano sempre tras unha valla de obras.
Unha das caras máis imprescindibles do audiovisual de Galicia, a Fede case todo o mundo o coñece polo seus papeis en Era Visto! ou Padre Casares. No seu recente currículo tamén están o programa de cociña Desafío nos fogóns e o espectáculo Curtis&Teixeiro –xunto a Xosé A. Touriñán-.
Pola súa parte, Pepo é un fantástico actor e monologuista. Ten participado en proxectos a nivel estatal como Piratas ou Aquí paz y después gloria, e en Galicia puidemos velo en Mareas Vivas, Terra de Miranda, Caseiros ou Matalobos. Actualmente forma parte do equipo de guión da serie de Cuatro Gym Tony.
Os dous tamén participaron no monólogo colectivo “Viramos tolos pola tele”, espectáculo organizado pola compañía R no 2014 e no que se deron cita algúns dos humoristas máis importantes do panorama galego.
NOTICIAS RELACIONADAS
Vedra, Boqueixón, A Rúa, Portas e Triacastela, as cinco paradas do primeiro percorrido de ‘A Lacena Pequena’
A primeira parada do proxecto será en Ponte Ulla, onde a Lacena desenvolverá unha programación cultural durante os días 18 e 19 de setembro. A iniciativa continuará posteriormente por concellos de menos de 5.000 habitantes.
‘A Lacena Pequena’ comeza en Vedra a súa primeira viaxe
O proxecto itinerante impulsado por Ainé e E-ló Arquitectura levará programación cultural a pequenos núcleos de poboación e dará a coñecer mañá en Ponte Ulla as cinco paradas do seu primeiro percorrido.
‘Aquí Tou!’ regresa ás táboas cunha función especial da man de Touriñán
O monólogo máis persoal do humorista volverá ao Porriño o 26 de setembro cunha función que ten como obxectivo apoiar á Rondalla que participou na película Rondallas.