‘Fariña’, finalista en cinco categorías dos Premios María Casares de teatro
A adaptación da obra de Nacho Carretero é candidata nas categorías de mellor espectáculo, escenografía, iluminación, música orixinal e actor protagonista -Sergio Zearreta-. Os premios entregaranse no Teatro Rosalía de Castro da Coruña.
A Asociación de Actores e Actrices de Galicia deu a coñecer o pasado mércores os finalistas dos Premios María Casares de Teatro, que recoñecen o traballo das compañías e os profesionais das artes escénicas en Galicia no último ano. Nun acto celebrado no Auditorio de Galicia, a adaptación teatral de Fariña, o espectáculo producido por Undodez, Ainé Producións e Oqueteño Media, foi recoñecido en cinco categorías.
O maxistral traballo de Sergio Zearreta sobre as táboas aspira a ser o mellor valorado polas actrices e actores do noso país nos premios, na categoría de mellor actor protagonista. Tamén o traballo de José Faro -Coti- e Laura Iturralde na escenografía e na iluminación obtivo o recoñecemento da AAAG, como finalistas nestas categorías. A música de Novedades Carminha, o propio Sergio Zearreta e os músicos e posprodutores de son Santi Jul e Iván Laxe, son tamén finalistas na categoría de mellor música orixinal.
Fariña é finalista tamén na categoría máis relevante, a de mellor espectáculo, onde competirán con Bernarda, de Malasombra, e Liberto, de Marelas Teatro.
O Teatro Rosalía de Castro da Coruña acollerá a gala de entrega de premios na que se darán a coñecer os galardóns.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.