El Club de la Comedia recibe este martes a Xosé Antonio Touriñán
O actor e humorista cullerdense estréase no formato referente do humor en directo desde hai máis dunha década. Berto Romero, Ana Simón, Iñaki Urrutia e David Broncano completan o cartel do programa que emite laSexta este martes ás 22.30.
O gran templo do humor televisivo abre este martes as súas portas a unha nova cara chegada desde Galicia. Xosé Antonio Touriñán estará este martes en El Club de la Comedia, o programa de laSexta polo que na última década teñen pasado todos os grandes do humor.
O actor e humorista cullerdense compartirá cartel con Ana Simón, Berto Romero, David Broncano e Iñaki Urrutia. Un programa de luxo para a que será a primeira aparición de Touriñán nunha cadea de ámbito estatal na súa faceta de monologuista. A cita, ás 22.30 horas deste martes, en laSexta.
Un dos grandes da comedia en Galicia
Poucos son os que non o coñecen. Máis dunha década na tele é a unha das causas, pero a outra ten máis que ver co seu carácter e o seu humor. Quen máis e quen menos sinte certo aprezo por Touri, que entrou nos fogares de media Galicia como Mucha, das Cantareiras de Ardebullo, e desde entón interpretou decenas de personaxes en diferentes programas e formatos.
Cando lle preguntan afirma convencido que unha das cousas coas que máis goza é co contacto co público en bares, teatros e auditorios, nos directos, nos que comezou como actor de moi novo co seu inseparable compañeiro Marcos Pereiro.
Touri é agora toda unha estrela da comedia en Galicia. Pregóns, presentacións, monólogos ou teatro son algunhas das súas especialidades sobre calquera escenario, onde tanto en solitario como acompañado polos seus colegas e amigos é quen de sacar sempre os mellores sorrisos ao público.
NOTICIAS RELACIONADAS
‘Territorio Regueifa’ continúa o percorrido fóra de Galicia con dúas funcións en Asturias
O espectáculo chegará a Xixón e Vegadeo os días 27 e 28 de novembro, respectivamente, nunha nova parada da xira que está levando a improvisación oral galega a outros territorios.
Unha nova etapa para ‘Territorio Regueifa’
O espectáculo de Lupe Blanco, Manolo Maseda e Josinho da Teixeira ofrecerá tres funcións durante esta fin de semana en Barakaldo e Laudio. Será a primeira vez que a proposta saia de Galicia desde a súa estrea en febreiro.
Zaragoza, a próxima parada do humor de Touriñán
O humorista actuará este sábado no Teatro de las Esquinas, nun percorrido que o levará de novo a Madrid en novembro. A xira continuará en 2027 con novas funcións en Madrid, Valencia, Santander e León.


