David Perdomo inaugura a programación de comedia do Copacabana
O cómico coruñés actuará o xoves 16 no mítico local dos cantóns na primeira noite de comedia da temporada. Xosé A. Touriñán fará de mestre de cerimonias da velada.
O Copacabana, cafetería con máis de cinco décadas de historia na Coruña, reabría as súas portas no pasado mes de maio logo de varios anos pechado. A inauguración contou coa presenza de representantes do goberno local e co actor e humorista Xosé A. Touriñán, quen conduciu o evento de reapertura deste icónico local dos Xardíns de Méndez Núñez.
Nesta nova etapa contará cunha ampla programación de espectáculos e eventos que arrinca este xoves, día 16, coas noites de comedia. Touriñán acturá como anfitrión da actuación de David Perdomo, primeira dunha serie de xornadas enfocadas ao humor. O próximo día 14 de xullo, o protagonista será Oswaldo Digón.
Músico, actor e guionista, David Perdomo é un dos nomes imprescindibles do humor en Galicia. Deuse a coñecer a través da webserie SKoruño e saltou á fama con multitiude de intervencións na Televisión de Galicia. Nos últimos meses participou no programa Catro Gatos xunto con Fátima Pego, Noemi Rodríguez e Xosé A. Touriñán e en La Noche D, programa conducido por Dani Rovira en Televisión Española.
NOTICIAS RELACIONADAS
‘Amoriños’ chega ao Noroeste Estrella Galicia cunha edición especial en Santa Margarida
O espectáculo de Xosé A. Touriñán e David Perdomo formará parte da programación da 39 edición do Festival Noroeste Estrella Galicia cunha función especial o 9 de agosto.
Xosé A. Touriñán incorpórase ao elenco da terceira e última tempada de ‘Clanes’
A serie de Netflix producida por Vaca Films despídese cunha última entrega que volve reunir a Clara Lago e Tamar Novas como protagonistas, xunto a un amplo elenco do que forma parte Xosé A. Touriñán. A tempada final pecha a historia deste universo do narcotráfico en Cambados.
Máis improvisación oral para despois do verán: ‘Territorio Regueifa’ suma tres novas funcións
O espectáculo regresará aos escenarios en outubro e novembro con tres novas funcións xa confirmadas. Entre elas destaca a primeira representación fóra de Galicia, que terá lugar en Barakaldo.