A serie ‘Clanes’, con Touriñán entre os protagonistas, chega hoxe a Netflix
Tamar Novas, Clara Lago, Diego Anido, María Pujalte, Miguel de Lira, Melania Cruz ou Chechu Salgado son algúns dos protagonistas desta serie ambientada en Cambados. Producida por Vaca Films, 'Clanes' é unha das series máis agardadas desta temporada.
Xosé A. Touriñán, Tamar Novas e Chechu Salgado nunha escena de 'Clanes'. Foto: Vaca Films
Ambientada en Cambados, Clanes propón ao espectador unha historia de vinganzas, dramas familiares e amor prohibido centrada nun clan de narcotraficantes galegos. Logo de grandes éxitos doutras series co narcotráfico como pano de fondo, Clanes busca atrapar ao espectador cun enfoque diferente na súa proposta. Baseada nunha historia real, a serie está creada por Jorge Guerricaechevarría, dirixida por Roger Gual e producida por Vaca Films.
Clara Lago interpreta a Ana, unha avogada que decide instalarse en Cambados logo de traballar moito tempo en Madrid coa intención de axustar contas co seu pasado. Alí coñece a Daniel, interpretado por Tamar Novas, quen é fillo dun dos máis importantes narcotraficantes galegos e cabeza visible do clan dos Padín mentres seu pai está en prisión. A partir de aí, a trama vai avanzando a través de diferentes personaxes e tocando temas universais como a familia ou o amor.
Xosé A. Touriñán, Melania Cruz, María Pujalte, Diego Anido, Miguel de Lira, Chechu Salgado ou Nuno Gallego son algúns dos protagonistas desta serie rodada en diferentes puntos de Galicia, Málaga, Xibraltar, Alxeciras, Madrid, Oporto e Senegal . Desde hoxe, Clanes xa está dispoñible en Netflix.
Tráiler oficial
NOTICIAS RELACIONADAS
Lamatumbá gaña o Premio Martín Códax da Música na categoría de Orquestras, Grupos e Música de Verbena
A banda ourensá vén de ser recoñecida na XIII edición dos Premios Martín Códax da Música, nun momento marcado polo regreso aos escenarios coa proposta ‘LAMATUMBÁ… E XA ESTÁ!’.
‘Amoriños’ despídese na Coruña cunha intensa fin de semana de seis funcións
O espectáculo de Xosé A. Touriñán e David Perdomo chega ao seu gran peche de xira no Teatro Colón. Entre o 5 e o 7 de xuño ofrecerán seis funcións, das que só queda dispoñibilidade para a derradeira sesión do domingo ás 20.30.
‘Amoriños’ encara a súa recta final cunha intensa fin de semana en Pontevedra
O espectáculo de Touriñán e Perdomo entra no último tramo da súa xira de primavera tras máis de dous meses de funcións por Galicia.