A acollida de primeira de Recortes
Ante a gran resposta do público, ábrense dous novos pases de ‘Recortes’, que continúa enchendo o Salón Teatro. O espectáculo dirixido por Tito Asorey está recibindo moi boas críticas neste arranque en Santiago de Compostela
Na segunda semana de Recortes, caneos e outras formas de driblar no Salón Teatro de Santiago, o público continúa a encher o patio de butacas. A boa crítica e acollida da produción de Ainé e o Centro Dramático Galego fixo que se abran dúas novas funcións, malia estaren xa programadas máis de quince, unha diaria de mércores a domingo entre o 29 de setembro e o 23 de outubro. Para que máis xente poida acudir a desfrutar de Recortes, aos pases das nove da noite dos sábados 15 e 22 de outubro, engádese outro ás seis da tarde.
Ademais, tras a estadía do espectáculo na capital galega, iniciarase unha xira ata febreiro que pasará por diferentes cidades e vilas galegas: Carballo, Ourense, Vigo, Narón, Pontevedra, Cangas, Burela, Lugo, Vilagarcía, A Coruña e Ferrol. O calendario de funcións pódese consultar na web de Recortes, onde tamén se poden adquirir as entradas.
A obra baseada na última investigación do xornalista e escritor Nacho Carretero trae o fútbol ao teatro. Explorar novas fórmulas e temas é clave para propósito de Ainé de atraer novos públicos que, con producións como Recortes ou Fariña, o espectáculo teatral, se está a conseguir.
Neste achegamento á faciana oculta do deporte rei, Montse García, xornalista de La Voz de Galicia, afirma que hai “hai caneos, cambios de ritmo, como no mítico gol de Maradona no Mundial do 86. Comedia e drama”. Outra crítica que puidemos ler nos xornais foi a de Rodrigo Brión Insua, de Galicia Press: “Nunca antes nin despois se explicou tan ben algo tan abstracto como a paixón, e máis se nos referimos á paixón a unhas cores. Antes só podíase recorrer á película de Campanella ou acudir a unha cancha para tratar de comprendelo. Agora, desde a estrea de Recortes tamén no teatro conseguiron que os leigos na materia vivan e sufran como o maior dos seareiros”.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.