‘Fariña’ remata unha aventura histórica en Madrid: máis de 6000 espectadores e o clamor da #CulturaSegura
O espectáculo representouse durante tres semanas nas Naves del Español, no medio de todas as incertezas pola situación sanitaria na capital. Convértese nun dos éxitos máis relevantes da historia do teatro galego fóra do noso país.

Os derradeiros bailes do elenco de ‘Fariña’ sobre a Galicia de Pimpinela despediron por todo na noite do domingo a aventura do espectáculo en Madrid. Desde o pasado 17 de setembro, máis de 6000 espectadores pasaron polas Naves del Español para gozar cunha peza que xa en Galicia conquistara ao público. Logo das sensacionais críticas e o rotundo éxito de afluencia na capital, a adaptación teatral de Tito Asorey sobre a obra de Nacho Carretero ten por diante todo o futuro sobre as táboas.
Xosé A. Touriñán, Marcos Pereiro, María Vázquez, Sergio Zearreta, Cris Iglesias e Víctor Duplá conquistaron ao público coas decenas de personaxes que interpretan na obra ao público de Matadero, no que foi o primeiro espectáculo da temporada no teatro público madrileño. Centos de mensaxes nas redes sociais, críticas e reseñas nos principais medios de comunicación estatáis, e o habitual -e sempre efectivo- boca a boca entre os espectadores axudaron a que na práctica totalidade das funcións ‘Fariña’ colgara o cartel de entradas esgotadas.
Na derradeira función nas Naves del Español o elenco despediuse do público acompañado de Tito Asorey -director do espectáculo-, e de Nacho Carretero. No ambiente, o clamor que acompañou cada un dos pases desde o 17 de setembro, o da #CulturaSegura. A primeira viaxe de ‘Fariña’ a Madrid foi a das incertezas e os riscos, convertidos en sorpresas e emocións inesquecibles. Haberá máis.
NOTICIAS RELACIONADAS
‘Territorio Regueifa’ continúa o percorrido fóra de Galicia con dúas funcións en Asturias
O espectáculo chegará a Xixón e Vegadeo os días 27 e 28 de novembro, respectivamente, nunha nova parada da xira que está levando a improvisación oral galega a outros territorios.
Unha nova etapa para ‘Territorio Regueifa’
O espectáculo de Lupe Blanco, Manolo Maseda e Josinho da Teixeira ofrecerá tres funcións durante esta fin de semana en Barakaldo e Laudio. Será a primeira vez que a proposta saia de Galicia desde a súa estrea en febreiro.
Zaragoza, a próxima parada do humor de Touriñán
O humorista actuará este sábado no Teatro de las Esquinas, nun percorrido que o levará de novo a Madrid en novembro. A xira continuará en 2027 con novas funcións en Madrid, Valencia, Santander e León.


