Touriñán e Perdomo farán dobre pase de ‘Corentena · Game Over’ no Grove ao esgotar todas as localidades
As entradas para a segunda función, prevista para as 23.00 horas, están xa á venda. O auditorio da localidade pontevedresa recibirá esta nova edición do espectáculo xurdido a partir das conversas dos cómicos durante a pandemia, logo de encher tamén dous pases en xaneiro do 2024 coa primeira parte.
Perdomo e Touriñán repiten con algúns dos personaxes máis queridos polo público. Foto: Aigi Boga
Novo cheo de Corentena · Game Over, o novo espectáculo de Xosé A. Touriñán e David Perdomo, desta volta no Grove. Xa non quedan localidades para a función prevista ás 20.30, que reunirá a máis de cincocentas persoas no auditorio municipal.
Como pasou hai algo máis dun ano no mesmo espazo, os cómicos coruñeses ofrecerán un segundo pase, ás 23.00, para o que xa están á venda as localidades a través de www.corentena.gal. É a terceira vez na xira que o espectáculo abre novas funcións pola elevada demanda de entradas. Só na Coruña foron ata 4.500 os espectadores que abarrotaron o auditorio de Palexco en dous días.
En Corentena · Game Over non faltan os personaxes máis coñecidos polo público de Touriñán e Perdomo, e o público é tamén protagonista. Un inédito videoxogo teatral sorprende ás e aos espectadores desde o inicio do espectáculo, que está sendo desde a súa estrea a principios de marzo un dos máis exitosos da temporada.
NOTICIAS RELACIONADAS
Xosé A. Touriñán recibe o Premio de Honra Manuel Lourenzo de Feteagal
O recoñecemento foi entregado o pasado sábado no Teatro Colón da Coruña, durante a gala dos I Premios Feteagal Manuel Lourenzo do Teatro Amador Galego.
Vedra, Boqueixón, A Rúa, Portas e Triacastela, as cinco paradas do primeiro percorrido de ‘A Lacena Pequena’
A primeira parada do proxecto será en Ponte Ulla, onde a Lacena desenvolverá unha programación cultural durante os días 18 e 19 de setembro. A iniciativa continuará posteriormente por concellos de menos de 5.000 habitantes.
‘A Lacena Pequena’ comeza en Vedra a súa primeira viaxe
O proxecto itinerante impulsado por Ainé e E-ló Arquitectura levará programación cultural a pequenos núcleos de poboación e dará a coñecer mañá en Ponte Ulla as cinco paradas do seu primeiro percorrido.