O “Monólogo do Imbécil” chega a Tenerife
Xosé Antonio Touriñán viaxa esta semana a Tenerife para participar no Mueca, o Festival Internacional de Arte na Rúa que se celebra no municipio portuense do 12 ao 15 de maio, e no que o teatro, a música e o humor son os eixes principais do espectáculo.
O actor culleredense aterriza o venres nas Canarias para interpretar o “Monólogo do Imbécil”, pero desta vez en castelán. Touri converterase unha vez máis en Santi, alguén a quen todo lle sae mal e que un día decide mirar atrás na súa biografía para buscarlle sentido ás cousas.
Ademais de Santi, sobre o escenario Touriñán tamén se converte, entre outros moitos personaxes, en Manolo Lojo -un dos seus monólogos máis soliciatados- ou en Mucha –das famosas Cantareiras de Ardebullo ás que todo o mundo coñece-.
Logo da súa parada sureña, o “Monólogo do Imbécil” volverá nas próximas semanas aos teatros das vilas e cidades galegas.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.