“O Son das Letras”, a homenaxe musical da TVG para o 17 de maio
Co motivo da celebración do Día das Letras Galegas, a Televisión de Galicia emite este luns pola noite “O Son das Letras”, un concerto que a orquestra folk SonDeSeu ofrece no Auditorio Mar de Vigo.
Os actores María Vázquez e Antonio Durán “Morris” serán os encargados de presentar este programa especial, no que SonDeuSeu estará acompañado no escenario por diferentes grupos e artistas do país como Treixadura, Rosa Cedrón, Uxía Senlle, e Sergio Tanús, entre outros.
Referente folk europeo
SonDeSeu –dirixida por Rodrigo Romaní, ex-compoñente de Milladoiro- é a primeira orquestra de música folk e tradicional de Galicia, e está considerada como unha das primeiras orquestras folk de Europa.
Ainé, na produción
Os espectadores poderán ver o programa este luns á noite, a partir das 22.30, na TVG. Este proxecto está producido por Suido Producións e Tex45 Producións, en colaboración con Ainé.
NOTICIAS RELACIONADAS
‘Amoriños’ amplía a súa segunda xira con novas datas e funcións
O espectáculo de Xosé A. Touriñán e David Perdomo suma novas paradas na súa xira de primavera, incluíndo no percorrido a Vilagarcía, Santiago, Ourense, Cee e Narón.
Xosé A. Touriñán inicia este venres o percorrido estatal do seu monólogo
O cómico actúa esta semana no Teatro Arlequín Gran Vía, primeira parada dunha serie de funcións que o levarán tamén por Bilbao, Barcelona e Oviedo nos próximos meses.
‘Amoriños’ prepárase para unha primavera de amor sobre as táboas
Tras unha primeira xira con funcións esgotadas, Touriñán e Perdomo regresarán no mes de marzo coa súa última proposta, un espectáculo de citas tolas, improvisación e moito corazón.