Touriñán regresa ao prime time de La 2 coa segunda temporada de ‘Rutas Bizarras’
Xunto a Marta Hazas, Touri presenta este programa de viaxes co que percorrerán o Camiño francés. O inicio desta segunda temporada coincide co remate da primeira de Catro Gatos, que concluíu este domingo.
Xosé A. Touriñán estrea a segunda temporada de Rutas Bizarras este martes xunto a Marta Hazas. O inicio ten lugar en Saint Jean Pied de Port. O programa de viaxes de La 2 volve para renovar o prime time da cadea e render homenaxe ao Camiño de Santiago, coincidindo co Xacobeo 21·22. Para vivir aventuras un martes, comezando esta mesma semana, só haberá que acudir á cita televisiva ás 22:00 horas.
Sempre en clave humorística, os presentadores percorren os lugares da península que non adoitan ser parte dos percorridos turísticos máis convencionais. Nos 14 episodios que conforman a primeira temporada, Touri e Marta visitan sitios tan dispares coma unha mina de carbón, un municipio dun único habitante, o Bosque erótico de Porqueres, a vila embruxada de Trasmoz ou a Igrexa Patólica.
Nesta nova edición, Touri debe cumprir a promesa que fixo no caso de que lles desen a el e a Marta o programa: percorrer o Camiño francés. Así que cruzarán en diferentes etapas o norte da península, de Saint Jean Pied de Port até Fisterra. Case 1.000 quilómetros que deberán andar. Ao longo dos episodios, que se inician con ‘La cruzada pirenaica y el Cristo de los post it’, os presentadores atoparán lugares e personaxes completamente bizarros para sacar aos espectadores unha chea de gargalladas.
‘Catro Gatos’: comedia para os domingos da TVG
Dende a semana pasada xa están disponibles na web da Televisión de Galicia os 13 de programas de Catro Gatos, a última aventura de Xosé A. Touriñán que rematou o pasado domingo as emisións da súa primeira temporada. Todo transcorre nun bar onde se reúnen catro amigos, interpretados por Touri, David Perdomo, Fátima Pego e Noemi Rodríguez. A través das súas conversas evocan vivencias que dan paso a sketchs nos que a espontaneidade e a inventiva dos intérpretes leva a comedia ao aparentemente cotiá.
NOTICIAS RELACIONADAS
‘Aquí Tou!’ regresa ás táboas cunha función especial da man de Touriñán
O monólogo máis persoal do humorista volverá ao Porriño o 26 de setembro cunha función que ten como obxectivo apoiar á Rondalla que participou na película Rondallas.
‘Moi Animal’, o novo monólogo de Touriñán, suma novas funcións á súa primeira xira
O novo monólogo de Xosé A. Touriñán esgota localidades en Cee e Santiago e amplía funcións na Coruña, Vilagarcía, Vigo e Pontevedra. A xira, que comezará en outubro, continúa medrando antes da súa chegada aos escenarios galegos.
Chega ‘A Lacena Pequena’, un novo proxecto cultural itinerante
Ainé e E-ló Arquitectura poñen en marcha unha proposta que combina música, artes escénicas, gastronomía e patrimonio a través dunha singular infraestrutura.