Os artistas galegos únense de novo pola concordia no derbi galego
Xosé A. Touriñán, Marcos Pereiro, Federico Pérez, Roberto Vilar ou Tamar Novas entre outros vestiranse este sábado na Coruña de branquiazul ou celeste para unha nova edición de ‘O derbi dos artistiñas’. A cita terá lugar ás 12.00 no campo da Grela. Despois verán xuntos o derbi no ABANCA Riazor.
O derbi entre Deportivo e Celta no ABANCA Riazor non será a única cita futbolística deste sábado na Coruña. Case trinta artistas galegos, aos que se unirán xornalistas, músicos e en xeral, caras coñecidas do mundo da cultura, xogarán ás 12.00 no campo da Grela un partido moi especial.
É unha nova edición de ‘O derbi dos artistiñas’, unha cita que cumpre xa catro edicións consecutivas reunindo en Vigo ou A Coruña a nomes como Cristina Iglesias, Marcos Pereiro, Xosé A. Touriñán, Federico Pérez ou Martín Barreiro por parte do Deportivo, e Javier Veiga, Carmen Méndez, Roberto Vilar ou Terio Carrera polo Celta.
A axenda deste sábado para os artistiñas será intensa. Reuniranse en Matogrande a primeira hora para desprazarse xuntos nun autobús ata o campo, onde disputarán o partido ás 12.00 horas. Xa ás 15.00 terá lugar un xantar de confraternización, para despois ir xuntos ata o ABANCA Riazor, onde a partir das 18.30 e cos nervios a flor de pel dará comezo #onosoderbi.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.