“O derbi dos artistiñas” volve na previa do Celta – Depor
Este particular partido forma parte da campaña Imposible sen ti, e xógase co obxectivo de amosar una vez máis a boa relación que debe haber entre os seareiros dos dous clubes. Ainé, xunto con Tex45 Producións, encárgase do desenvolvemento desta iniciativa en colaboración con Deportivo e Celta.
Co derbi galego como telón de fondo e como xa pasara na primeira volta da Liga, algunhas das caras máis coñecidas do panorama audiovisual galego xuntaranse mañá pola mañá no campo da Madroa de Vigo para xogar o “derbi dos artistiñas”. A competición enmárcase dentro da campaña publicitaria “Imposible sen ti” e pretende incidir no rollo entre equipos.
Javier Veiga, Monti Castiñeiras e Carmen Méndez polo Celta e Marcos Pereiro, Federico Pérez e Quico Novoa polo Depor son, entre outras, algunhas das caras que se unirán para xogar este partido entre amigos. A contenda será ás 12.00 da mañá nas instalacións viguesas da Madroa. Deseguido, os participantes xantarán nun restaurante próximo para logo ir ver todos xuntos o derbi no Estadio de Balaídos.
NOTICIAS RELACIONADAS
Touriñán celebra o día dos namorados cunha función do seu monólogo en Madrid
Este sábado, Xosé A. Touriñán regresa ao Teatro Arlequín de Madrid cunha nova función do seu monólogo, dentro dunha xira estatal que percorrerá distintas cidades máis alá das nosas fronteiras.
‘Territorio Regueifa’ presentouse onte en Carballo como un soño que chega ao escenario
A estrea absoluta de ‘Territorio Regueifa’, este venres 6 de febreiro no Pazo da Cultura de Carballo, foi presentada nunha rolda de prensa que puxo o foco na importancia de levar a regueifa ao teatro e de reivindicala como arte viva.
‘Amoriños’ amplía a súa xira de primavera con novas funcións en Verín e Ribadeo
O espectáculo de Xosé A. Touriñán e David Perdomo continúa medrando sobre as táboas e suma dúas novas paradas á súa xira de primavera.