O fenómeno de Fariña: Touriñán fala nos programas de Atresmedia da exitosa serie
Xosé A. Touriñán participa nestas semanas nalgúns dos programas de maior audiencia de Antena 3 e LaSexta para falar de Fariña, a exitosa serie que conta a historia do narcotráfico en Galicia, e na que interpreta a Paquito Charlín.
O sensacional éxito de audiencia de Fariña, a nova serie de Antena 3 producida por Bambú Producciones, segue a dar que falar. Xosé A. Touriñán interpreta na ficción a Paquito Charlín, un dos fillos dun dos grandes protagonistas non só da serie, tamén da historia real que conta a novela homónima de Nacho Carretero. Antonio Durán Morris é Manuel Charlín, o cabeza do clan do mesmo nome, coñecido polos espectadores logo da emisión dos dous primeiros capítulos.
Pai e fillo estiveron a pasada semana no programa Espejo Público, de Antena 3, falando dos detalles da rodaxe, e tamén das sorpresas que os novos capítulos depararán aos espectadores.
Este martes Touriñán participa no programa Zappeando, de LaSexta, tamén para compartir cos espectadores o que revelará o terceiro capítulo da serie, que emite mañá Antena 3.
NOTICIAS RELACIONADAS
Lamatumbá gaña o Premio Martín Códax da Música na categoría de Orquestras, Grupos e Música de Verbena
A banda ourensá vén de ser recoñecida na XIII edición dos Premios Martín Códax da Música, nun momento marcado polo regreso aos escenarios coa proposta ‘LAMATUMBÁ… E XA ESTÁ!’.
‘Amoriños’ despídese na Coruña cunha intensa fin de semana de seis funcións
O espectáculo de Xosé A. Touriñán e David Perdomo chega ao seu gran peche de xira no Teatro Colón. Entre o 5 e o 7 de xuño ofrecerán seis funcións, das que só queda dispoñibilidade para a derradeira sesión do domingo ás 20.30.
‘Amoriños’ encara a súa recta final cunha intensa fin de semana en Pontevedra
O espectáculo de Touriñán e Perdomo entra no último tramo da súa xira de primavera tras máis de dous meses de funcións por Galicia.