Mucha e Nucha abrirán unha nova xira na Illa de Arousa
O 19 de febreiro actuarán no auditorio da localidade pontevedresa, que hai menos dun mes acolleu unha das representacións doutro dos proxectos de Xosé A. Touriñán, Curtis & Teixeiro, con Federico Pérez. Será a primeira das actuacións en directo das Fillas da Conexa este ano, no que subirán de novo aos escenarios de decenas de festas en toda Galicia co seu aclamado humor.
O humor made in Ardebullo volve aos escenarios. Logo de varios meses ocupadas noutros proxectos, Mucha e Nucha reencontraranse co público o venres 19 de febreiro na Illa de Arousa. Será unha das primeiras actuacións do 2016, un ano no que celebran o seu noveno aniversario como dúo cómico, e no que percorrerán de novo as aldeas de media Galicia para facer rir a un público que non as esquece.
Para o espectáculo da Illa as entradas están xa á venda por 10 euros (12 na billeteira do auditorio o mesmo día da actuación) no bar O Museo, no Con do Moucho e na Administración de Loterías San Xulián. As Fillas da Conexa recuperarán para a ocasión os gags que teñen feito rir a decenas de milleiros de galegos e galegas na última década, combinados con renovados momentos cómicos que farán as delicias do público.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.