Enésimo cheo do monólogo de Xosé A. Touriñán en A Estrada
O actor e monologuista cullerdense colgou unha vez máis o cartel de ‘entradas esgotadas’, desta volta co seu monólogo, Manolo Lojo, no ciclo de comedia en directo ‘A Estrada Comedy’.
Manolo Lojo segue contando a súa tráxica biografía por Galicia adiante: abarrotando teatros e auditorios, enchendo pubs e cafeterías, dando a coñecer a súa experiencia por se a alguén pode serlle de utilidade…
A Estrada foi a última praza visitada por Touriñán co seu monólogo, cun rotundo cheo xa un mes antes da cita, o pasado 1 de maio. E é que o innegable fenómeno de masas que protagoniza desde hai xa un tempo o actor cullerdense semella non ter fin. No que vai de ano encheu en todas e cada unha das funcións de teatro e monólogos nas que estivo presente.
Nos meses de maio e xuño leva xunto con Marcos Pereiro polos teatros das grandes cidades de Galicia o espectáculo teatral ‘Agora en serio’, unha xira que compaxina co seu traballo en diferentes proxectos para a televisión.
NOTICIAS RELACIONADAS
‘Amoriños’ chega ao Noroeste Estrella Galicia cunha edición especial en Santa Margarida
O espectáculo de Xosé A. Touriñán e David Perdomo formará parte da programación da 39 edición do Festival Noroeste Estrella Galicia cunha función especial o 9 de agosto.
Xosé A. Touriñán incorpórase ao elenco da terceira e última tempada de ‘Clanes’
A serie de Netflix producida por Vaca Films despídese cunha última entrega que volve reunir a Clara Lago e Tamar Novas como protagonistas, xunto a un amplo elenco do que forma parte Xosé A. Touriñán. A tempada final pecha a historia deste universo do narcotráfico en Cambados.
Máis improvisación oral para despois do verán: ‘Territorio Regueifa’ suma tres novas funcións
O espectáculo regresará aos escenarios en outubro e novembro con tres novas funcións xa confirmadas. Entre elas destaca a primeira representación fóra de Galicia, que terá lugar en Barakaldo.