Baleira recibe este venres a Manolo Lojo
O cómico e actor cullerdense Xosé Antonio Touriñán leva o seu monólogo ao centro sociocultural da localidade luguesa, coas entradas xa esgotadas logo de poñerse á venda hai pouco máis dunha semana. Organizada pola Asociación Os Carreiriños, será a última oportunidade para gozar deste espectáculo en 2016.

Un home que só ten claro querer suicidarse é o argumento arredor do cal o protagonista conta os pormenores da súa vida. Así, a vida de Manolo Lojo non foi demasiado fácil…un rapaz superdotado que rematou vivindo cunha paga por tonto.
Para o monólogo deste venres en Baleira as entradas esgotáronse en algo máis dunha semana, polo que o aforo xa está completo para poder gozar de máis dunha hora de espectáculo no que o humorista cullerdense trata temas de actualidade e historias clásicas en clave de comedia.
O evento está organizado pola Asociación Os Carreiriños, unha entidade sen ánimo de lucro fundada en abril do 2016 co fin de dinamizar a vida cultural e deportiva en Baleira. Fundamentalmente organizan rutas de sendeirismo polo concello, aínda que o seu obxectivo é ampliar a oferta de actividades e socios, comezando este venres, coa actuación de Touriñán.
NOTICIAS RELACIONADAS
‘Territorio Regueifa’ continúa o percorrido fóra de Galicia con dúas funcións en Asturias
O espectáculo chegará a Xixón e Vegadeo os días 27 e 28 de novembro, respectivamente, nunha nova parada da xira que está levando a improvisación oral galega a outros territorios.
Unha nova etapa para ‘Territorio Regueifa’
O espectáculo de Lupe Blanco, Manolo Maseda e Josinho da Teixeira ofrecerá tres funcións durante esta fin de semana en Barakaldo e Laudio. Será a primeira vez que a proposta saia de Galicia desde a súa estrea en febreiro.
Zaragoza, a próxima parada do humor de Touriñán
O humorista actuará este sábado no Teatro de las Esquinas, nun percorrido que o levará de novo a Madrid en novembro. A xira continuará en 2027 con novas funcións en Madrid, Valencia, Santander e León.


