Pequeñas Coincidencias comeza a rodaxe da súa última temporada
A que foi a primeira serie española en Amazon Prime está protagonizada por Javier Veiga e Marta Hazas, e conta con Xosé A. Touriñán no seu reparto. Medio Limón, Onza e Atresmedia Studios inician esta semana en Madrid a gravación dunha terceira temporada “con máis comedia”.
“Máis enredo, máis equívocos, más personaxes angustiados, e polo tanto máis comedia”. Queda menos para que os seguidores de Pequeñas Coincidencias poidan desfrutar da terceira e derradeira temporada da serie protagonizada por Javier Veiga e Marta Hazas. A que foi a primeira produción española en Amazon Prime inicia a rodaxe dos novos capítulos esta semana en Madrid, co reparto coñecido polos espectadores, que á marxe dos protagonistas forman Mariano Peña, Juan Ibáñez, Alicia Rubio, Tomás Pozzi, José Troncoso e o galego Xosé A. Touriñán, entre outros.
O actor cullerdense compatibilizará neste mes de agosto a gravación de Pequeñas Coincidencias co do filme Cuñados, que a partir do día 17 comezará en Ourense.
A nova temporada terá un total de dez episodios, e chegará no 2021 en exclusiva a través de Amazon Prime en España, Lationamérica, Italia e Estados Unidos.
Someone Out There: NBC adaptará a serie en América
Á marxe da exitosa traxectoria da produción de Medio Limón, Onza e Atresmedia Studios en España, a serie abrirá unha nova etapa coa adaptación que a NBC prepara nos Estados Unidos baixo o título Someone Out There.
NOTICIAS RELACIONADAS
Unha nova etapa para ‘Territorio Regueifa’
O espectáculo de Lupe Blanco, Manolo Maseda e Josinho da Teixeira ofrecerá tres funcións durante esta fin de semana en Barakaldo e Laudio. Será a primeira vez que a proposta saia de Galicia desde a súa estrea en febreiro.
Zaragoza, a próxima parada do humor de Touriñán
O humorista actuará este sábado no Teatro de las Esquinas, nun percorrido que o levará de novo a Madrid en novembro. A xira continuará en 2027 con novas funcións en Madrid, Valencia, Santander e León.
A xira de ‘Moi Animal’ continúa colgando o cartel de esgotado
A nova proposta de Xosé A. Touriñán estará este venres 30 de outubro no Auditorio Municipal de Ourense, con dous pases, ás 20.30 e ás 23.00 h. A resposta do público continúa acompañando a xira, que xa ten varias funcións completas nas próximas semanas.