Touriñán e Marcos Pereiro gañan o premio Rebulir 2016 na categoría de patrimonio oral
O xurado outorga o premio aos actores cullerdenses polo “mantemento, difusión e posta en valor do humor con raigame tradicional e en galego”. O galardón entregarase na Gala Central do Festival Internacional Rebulir, o 17 de decembro.
Marcos Pereiro e Xosé A. Touriñán veñen de aceptar o Premio Rebulir 2016 na categoría de patrimonio oral, que concede o Festival Internacional Rebulir, organizado pola asociación homónima xunto coa Deputación de Ourense e o Concello de Ramirás.
No seu veredicto, o xurado apunta a importancia do traballo de Os Dous de Sempre no mantemento, difusión e posta el valor do humor con raigame tradicional e en galego.
A Asociación Rebulir, promotora do festival, ten por obxectivo a recuperación e difusión da cultura tradicional galega en tódolos seus ámbitos (baile, música, patrimonio oral, xogos, gastronomía, festas, celebracións…), poñéndoa en valor dun xeito accesible a todo o mundo, e devolvéndolle ao pobo o que é seu, para que deste xeito non se rompan os ciclos interxeracionais que a fixeron chegar ata os nosos días, segundo apuntan na súa páxina web.
A Gala Central do Festival Internacional, que cumpre dez edicións, celebrarase o 17 de decembro en Ramirás.
NOTICIAS RELACIONADAS
Unha nova etapa para ‘Territorio Regueifa’
O espectáculo de Lupe Blanco, Manolo Maseda e Josinho da Teixeira ofrecerá tres funcións durante esta fin de semana en Barakaldo e Laudio. Será a primeira vez que a proposta saia de Galicia desde a súa estrea en febreiro.
Zaragoza, a próxima parada do humor de Touriñán
O humorista actuará este sábado no Teatro de las Esquinas, nun percorrido que o levará de novo a Madrid en novembro. A xira continuará en 2027 con novas funcións en Madrid, Valencia, Santander e León.
A xira de ‘Moi Animal’ continúa colgando o cartel de esgotado
A nova proposta de Xosé A. Touriñán estará este venres 30 de outubro no Auditorio Municipal de Ourense, con dous pases, ás 20.30 e ás 23.00 h. A resposta do público continúa acompañando a xira, que xa ten varias funcións completas nas próximas semanas.