‘Clanes’, con Xosé A. Touriñán no papel de Nilo, prepara a súa segunda temporada
Vaca Films rodará esta primavera novos episodios do seu último proxecto de ficción para Netflix sobre o narcotráfico en Galicia.
Xose A. Touriñan, durante a rodaxe a primeira temporada de 'Clanes'. Foto: Vaca Films
Netflix e Vaca Films preparan a segunda temporada de Clanes. Logo do éxito da primeira temporada, que chegou a estar no Top 10 dos contidos máis vistos en Estados Unidos, a produtora galega rodada novos episodios da serie sobre o narcotráfico en Galicia.
Xosé A. Touriñán repetirá nesta nova entrega no papel de Nilo, un personaxe clave dentro da trama da primeira temporada. O actor interpretou ao curmán de Daniel (Tamar Novas), acompañándoo nos negocios do narcotráfico e vivindo en primeira persoa os conflitos e traizóns que marcaron o seu camiño.
A serie volverá contar co elenco orixinal, incluíndo a Clara Lago no papel de Ana, e seguirá explorando o mundo do narcotráfico galego baixo a dirección de Roger Gual. A rodaxe dará comezo nos próximos meses e manterá a esencia que fixo de ‘Clanes’ un fenómeno global. A primeira temporada segue dispoñible en Netflix.
NOTICIAS RELACIONADAS
Xosé A. Touriñán recibe o Premio de Honra Manuel Lourenzo de Feteagal
O recoñecemento foi entregado o pasado sábado no Teatro Colón da Coruña, durante a gala dos I Premios Feteagal Manuel Lourenzo do Teatro Amador Galego.
Vedra, Boqueixón, A Rúa, Portas e Triacastela, as cinco paradas do primeiro percorrido de ‘A Lacena Pequena’
A primeira parada do proxecto será en Ponte Ulla, onde a Lacena desenvolverá unha programación cultural durante os días 18 e 19 de setembro. A iniciativa continuará posteriormente por concellos de menos de 5.000 habitantes.
‘A Lacena Pequena’ comeza en Vedra a súa primeira viaxe
O proxecto itinerante impulsado por Ainé e E-ló Arquitectura levará programación cultural a pequenos núcleos de poboación e dará a coñecer mañá en Ponte Ulla as cinco paradas do seu primeiro percorrido.