Touriñán inaugurará este sábado a I Feira Gastronómica do Porco en Silleda
O actor e humorista cullerdense será o encargado de presentar, este sábado ao mediodía, a primeira cita do ano cun dos grandes manxares en Galicia durante a época do inverno. O evento prolongarase durante dous días na localidade do Deza.
Silleda prepárase para acoller unha cita que quere quedar como fixa no calendario das festas gastronómicas en Galicia. A I Festa Gastronómica do Porco inaugúrase mañá cun convidado de excepción. Xosé A. Touriñán será o encargado de dar o pistoletazo de saída para o evento gastronómica, que durará ata o domingo.
Baixo o lema ‘Do porco cómese todo’, a organización ten previsto recibir a milleiros de persoas ao longo de toda a fin de semana nunha carpa habilitada para ocasión na que, ademais da actuación de Touriñán, non faltarán actuacións musicais a diferentes horas.
Na parte gastronómica, o recinto estará dividido en diferentes áreas nas que se poderán degustar, de xeito independente, todas as partes do porco, en racións a prezos populares tanto para xantar como para cear.
A presentación de Touriñán, que hai un par de semanas se reuniu cos organizadores para coñecer os detalles do evento, está prevista contra o mediodía.
NOTICIAS RELACIONADAS
Xosé A. Touriñán presenta ‘Moi Animal’, o seu novo monólogo
O humorista estrea unha nova proposta escénica arredor da nosa relación cos animais e das contradicións da especie humana. A xira comezará en outubro e percorrerá once localidades galegas.
Moi Animal
‘Moi Animal’ é o novo monólogo de Xosé A. Touriñán. A partires de outubro, percorrerá Galicia reflexionando sobre a nosa peculiar relación co resto das especies.
A Coruña acolle a programación do Noroestiño, a proposta familiar do 39º Festival Noroeste Estrella Galicia
A programación infantil do Festival Noroeste Estrella Galicia volverá aos Xardíns de Méndez Núñez do 5 ao 9 de agosto con sete propostas de música e artes escénicas para público familiar.