O público marcará desde as súas butacas os temas a tratar polos cómicos sobre o escenario, provocando improvisadas críticas sobre os últimos acontecementos da actualidade. Percorrerán varias localidades galegas, comezando o próximo 22 de abril en Ponteareas.
A Illa de Arousa acollerá o 14 de abril a estrea deste novo espectáculo, no que participa Ainé Producións, que percorrerá máis de dez localidades entre os meses de abril e xuño. Os espectadores asistirán en cada función ás máis orixinais reinterpretacións dalgunhas das obras de arte máis coñecidas.
Que facer cos nosos pais cando se achegan á morte. Unha pregunta que para todos chegará, e que este novo espectáculo teatral, dirixido por Victor Duplá, aborda en clave de humor. A estrea terá lugar no Teatro Rosalía de Castro da Coruña o 6 de abril.
Marcos Pereiro e Xosé A. Touriñán despiden o seu quince aniversario coas derradeiras datas do espectáculo que a pasada primavera encheu en todas as cidades galegas.
Touriñán e Marcos Pereiro remataron a derradeira función da xira, no auditorio coruñés do Ágora, rodeados por primeira vez de todas as irmás de Mucha e Nucha. De todas… menos de Carmucha.
O Coliseo Noela de Noia e o Gustavo Freire de Lugo colgaron os carteis de ‘entradas esgotadas’ para a estrea do novo espectáculo de Marcos Pereiro e Xosé Antonio Touriñán a pasada fin de semana.
