A adaptación da obra de Nacho Carretero é candidata nas categorías de mellor espectáculo, escenografía, iluminación, música orixinal e actor protagonista -Sergio Zearreta-. Os premios entregaranse no Teatro Rosalía de Castro da Coruña.
A nova xira do espectáculo dirixido e escrito por Javier Veiga supera as 5000 entradas vendidas. Para as funcións dos días 13, 14 e 15 de marzo no Teatro Colón da Coruña non quedan localidades. O 10 de marzo, o Auditorio da Illa de Arousa acollerá un pase do espectáculo, o primeiro desta volta.
Percorrerán entre marzo e xuño ao menos nove localidades de toda Galicia na segunda xira dun espectáculo que na súa primeira xira, a pasada primavera, tivo unha sensacional acollida no público, que encheu os teatros con ata dobres e triples funcións.
O espectáculo dirixido por Tito Asorey, que desde o pasado mes de outubro xira por toda Galicia, estará a próxima fin de semana no Auditorio Carmen Estévez e no Teatro Coliseo Noela, o venres 24 e o sábado 25, respectivamente.
Federico Pérez e Santi Romay protagonizan ‘O Montacargas’, de Harold Pinter, que xira desde o pasado verán cunha adaptación de Evaristo Calvo. O Teatro Principal de Santiago acolle dúas representacións deste espectáculo, encadrado no xénero do teatro do absurdo, o xoves 16 e o venres 17.
Resumimos o ano que rematou. No 2019 percorremos Galicia cos compromisos de sempre máis vivos que nunca: cultura na nosa lingua, de escenario en escenario. A polo 2020!
