Mónica e Sabela, as protagonistas do anuncio da campaña Imposible sen ti, que cada ano acompaña o percorrido ata o día do Deportivo – Celta, levan vendo xuntas o derbi toda a vida. Un bar de Mondoñedo, un loro e toda a paixón do mundo polas cores branquiazul e celeste son os ingredientes dunha historia de amistade e, por suposto, fútbol.
Presentadores, xornalistas, actores, actrices e caras coñecidas da cultura do noso país xuntaranse de novo este domingo nas instalacións do Deportivo en Abegondo para disputar un derbi se cadra non tan trascendente co de Riazor, pero igual de emocionante e divertido.
ABANCA presentou o pasado luns o desenlace da campaña ‘Imposible sen ti’ desta temporada, unha historia de concordia e cordialidade entre rivais, o soño dun derbi convertido nunha festa que comeza a abrirse camiño logo de varias décadas.
A repercusión da campaña ideada hai un ano para fomentar a boa relación entre afeccións de Deportivo e Celta supera todas as previsións e acelera a viaxe cara un derbi galego protagonizado pola concordia.
ABANCA apadriña desta volta un novo anuncio da campaña, que desde o pasado ano une ás dúas afeccións ao redor dun sentimento de unión e respecto entre afeccións. O filme está producido de novo por Tex45 Producións en colaboración con Ainé Producións.
As caras coñecidas da televisión e a cultura en Galicia participarán este sábado en Baiona nun partido de confraternización, horas antes do derbi de Balaidos. A iniciativa enmárcase, por segundo ano consecutivo, dentro da campaña ‘Imposible sen ti’.
