Será un programa especial no que tamén participarán Tito Asorey, director do espectáculo, e José L. Prieto, autor da peza. Poderase seguir na mesma emisión do espectáculo, e tamén a través de Facebook Live nas páxinas de Touriñán, Carlos Blanco e Ainé Producións.
O sábado 6 de xuño emitirase por primeira vez en Galicia unha función de teatro en streaming, con accesos limitados e de pago. Un fito histórico que abre novos camiños á hora de achegar a cultura ao público, e que aplaude o colectivo da emigración. Este é o equipo que o fará posible.
É a primeira vez en Galicia que un espectáculo teatral chega ás pantallas a través dunha emisión na rede na que os espectadores pagan unha entrada polo seu acceso. A cita será o 6 de xuño, ás 22.30 horas, e as entradas están xa á venda a través de Ataquilla.com, que colabora na iniciativa.
Da xira aprazada de ‘Unha noite na praia’ a unha función inédita de ‘Somos Criminais’ para ver na casa. En tres meses, a crise da COVID-19 cambiou por completo as previsións do sector cultural en Galicia.
‘Unha noite na praia’ apraza a xira prevista para os meses de maio, xuño e xullo, logo de coñecer as medidas para a volta á normalidade, que impedirán por un tempo os aforos completos nos teatros.
A nova xira do espectáculo dirixido e escrito por Javier Veiga supera as 5000 entradas vendidas. Para as funcións dos días 13, 14 e 15 de marzo no Teatro Colón da Coruña non quedan localidades. O 10 de marzo, o Auditorio da Illa de Arousa acollerá un pase do espectáculo, o primeiro desta volta.
