“Sin mis manos” gaña o premio do Certame de Curtas “Sin Barreras”

sin mis manos

“Sin mis manos”, a curta da Asociación Down Coruña protagonizada polo actor Federico Pérez xunto a mozos desta sociedade, é a gañadora do III Concurso Nacional “Cortos sin Barreras” promovido pola Universidade Camilo José Cela de Madrid e a Fundación Once.

O obxectivo do certame deste ano era amosar de maneira orixinal as dificultades ás que se enfrontan as persoas con discapacidade no seu día a día. Así, baixo o lema “Que non confíen nas túas capacidades. É un pesadelo”, a peza audiovisual da asociación coruñesa reivindica a necesidade de confiar nas dotes de todas as persoas para conseguir a autonomía persoal e social.

O vídeo gañador, que xa obtivo máis de 4.000 visitas no Youtube, está guionizado por Borja Dorado e rodado polas produtoras audiovisuais Ainé Producións e Porco Bravú.

Artigo anterior
“Monólogo do imbécil” chega á Coruña, Cedeira e Santiago
Artigo seguinte
Xosé A. Touriñán, protagonista da volta ao mercado de Deleite

NOTICIAS RELACIONADAS

Portada » Caderno » “Sin mis manos” gaña o premio do Certame de Curtas “Sin Barreras”