Touriñán e Carlos Blanco valoraron nunha rolda de prensa no Teatro Colón da Coruña o que supón un fito sen precedentes na dramaturxia do noso país. Somos Criminais superou esta semana as 50.000 localidades vendidas, só nove meses despois da estrea, o pasado 31 de marzo na Illa de Arousa.
O espectáculo de Carlos Blanco e Xosé A. Touriñán, co que xa gozaron ao redor de 40.000 espectadores este ano, ten programadas funcións en Pontevedra, Ferrol, Lugo, Santiago, Cangas, Vigo, A Coruña, Ourense e Narón ata mediados do mes de xaneiro.
Producida por Atresmedia Studios, Medio Limón e Onza Entertainment, está protagonizada por Javier Veiga e Marta Hazas. Trátase dunha comedia romántica que emitirá Atresmedia nos próximos meses, logo de ser ofrecida ao completo por Amazon Prime Video.
Xosé A. Touriñán e Carlos Blanco seguen esgotando todas as localidades nos teatros e auditorios que este outono programan o que xa é un dos espectáculos máis exitosos das últimas décadas. Tanto na triple función de Vilagarcía como en Carballo (as dúas primeiras citas desta segunda xira) colgouse o cartel de “entradas esgotadas”.
Máis de trinta mil espectadores encheron todas as funcións programadas deste espectáculo a pasada primavera. Para os próximos meses ás citas nas grandes cidades sumaranse outras localidades, en moitos casos en pases dobres.
Neste mes de setembro actuará en Bergondo, Santa Comba, Camariñas e Oroso, logo de visitar nas pasadas semanas Porto do Son, Aciveiro, Marín e Ortigueira. Para o mes de decembro quedarán dúas últimas citas en Cerceda e Allariz.
