Rematou 2018. Un ano no que en Ainé transitamos un camiño de ida e volta entre os teatros e os platós, entre as oficinas e as rodaxes, e que en cantidade e calidade de proxectos deixa o listón ben alto de cara ao 2019 que comeza.
‘O leite da nosa xente’ é o título dunha peza dirixida por Jorge Coira e producida por Undodez coa colaboración de Ainé Producións, con música orixinal do grupo pontevedrés Primordiais.
O novo programa da TVG chega este xoves á pequena pantalla, coa emisión da función gravada no Teatro Afundación de Vigo, na que Xosé A. Touriñán participou como convidado. Malo será! encherá de humor as noites dos xoves na canle pública ao menos durante todo o verán.
O novo programa da Televisión de Galicia que pretende levar as cámaras aos teatros, e os teatros ás pequenas pantallas, estréase este xoves no Teatro Afundación de Vigo. O actor e humorista Xosé Antonio Touriñán acompañará ao elenco que durante todo o verán percorrerá diferentes teatros da nosa xeografía.
A televisión desembarca no teatro o 28 de xuño, en Vigo. Será o comezo dunha ruta que levará a un elenco formado por Federico Pérez, Marcos Pereiro, Lucía Regueiro e Oswaldo Digón entre outros por diferentes localidades de Galicia.
O actor mazaricán é un ano máis finalista na categoría de mellor actor protagonista pola súa participación en Era Visto! Na categoría de mellor anuncio publicitario é tamén finalista, por terceiro ano consecutivo, o novo spot da campaña ‘Imposible sen ti’.
